اليك الحقيقة الكامله التي لا يخبرك بها احد
كلنا تقريبأ بعد القرار لما ظهر بدأنا نتوتر ونسأل نفسنا اكتر من سؤال منهم
"شقتي هتتاخد مني ؟"
"هو انا مطالب امشي بعد السنين دي كلها ؟"
"هل هترجع الشقه للمالك ؟ ولا في تفويض ؟"
" هل الايجار هيغلي عليا وازاي وقتها هقدر اعيش ؟"
اسئلة كتير بتشغل ملايين المستأجرين والملاك حاليأ بعد اقتراحات تعديل قانون الايجار القديم لو انت من الناس الي عايشة في ايجار قديم
او بتأجرها ... المقال دة لزم تقرأ
اولأ : يعني اي ايجار قديم ؟
نظام الايجار القديم هو انك بتدفع مبلغ ايجار رمزي وثابت - ما بيتغيرش - وبتعقد في الشقة طول عمرك وساعات بيتنقل كمان لورثتك !
وده كان معمول بيه من عشرات السنين لكن ..... الزمن اتغير ..... والقانون كمان بيتغير ......
الجديد بقي في 2025 ؟ القانون يناقش للتعديل ....
الدولة عاوزاه تنهي المعادلة الغريبة دي وتحاول تعمل توازن بين حق المالك والمستأجر ودة من خلال قانون بيناقش بالفعل حتي الان
اهم ما جاء بيه :
* العقد هينتهي خلال 5 سنين من تاريخ العمل بالقانون يعني لو ساكن باايجار قديم قدامك 5 سنين وبعدها لزم تسيب الشقة او تشتريها/تأجرها من جديد .
* رفع القيمة الايجارية :
في المدن : الحد الادني 1000 جنية
في القري : الحد الادني 500 جنية
مع الزيادة 15% سنويا .
لو ما خرجتش بعد المدة ؟
المالك يقدر يخرجك بحكم سريع
وممكن يطالبك بتعويض كمان !
حلول بديلة ؟
الدولة بتوعدك انك تكون ليك اولوية في الحصول علي شقة تانية ايجار او تمليك .
ليه القانون دة عامل ضجة كبيرة ؟
لأن في ملايين الناس ساكنين في شقق ايجار قديم بأيجارات من ايام زمان (مثلا:10 او 20 جنية )
وفي ناس ورثت الشقق دي ومعتبرينها حق متكسب مدي الحياة
ولكن في المقابل في ملاك عندهم شقق مش قادرين يستفيدوا منها ....
القصه ابدأ مش سهله .... بس القانون بيحاول يعمل توازن وسط كل دة
طيب عليك تعمل اي دلوقتي ؟ لو انت
مستأجر :
راجع عقدك وشوف تاريخ بدايته تابع تطورات القانون اول بأول او لو تقدر تفاوض المالك علي تسوية او تمليك .... دي خطوة ذكيه
مالك:
راجع العقود وحضر اوراقك علشان تعرف تستفيد من القانون الجديد وقت التنفيذ متتصرفش بعصبيه القانون ليه خطوات
ختاما :
" الايجار القديم " مبقاش مجرد حكاية قانون ... ده موضوع بيمس حياة اسرة كامله ومستقبل ناس كتير المهم تكون واعي وعارف حقك ومستعد ولكن حتي الان لم يتم التصديق علي اي قرار ومازلت قيد المناقشة
تابعنا دايما علي المدونة لأحدث التحديثات القانونية وشارك المقال لو تحب توصل المعلومة دي للناس الي يهمك امرهم
ا/عبدالرحمن حمدي للمحاماة والاستشارات القانونية