-ليه القوانين ليها أرقام وسنوات؟
-ليه أراجع قوانين قديمة؟ مش المفروض أركز على القوانين الجديدة؟
-إزاي أتعامل مع القوانين القديمة والجديدة؟
-طيب هقولك الإجابة اتمنى من متابعين أ/عبدالرحمن حمدى تقديم الدعم عن طريق مشاركات الروابط الخاصه بنا❤️✅✍️ ⚖️ 👇
1. ليه القوانين ليها أرقام وسنوات؟
كل قانون لما بيتصدر رسميًا بيكون ليه رقم وسنة الإصدار عشان يتم تمييزه عن القوانين التانية. الرقم بيرمز لترتيبه بين القوانين اللي صدرت في نفس السنة.
مثال:
قانون البناء الموحد رقم 119 لسنة 2008
"119" معناه إنه القانون رقم 119 اللي صدر في سنة 2008.
قانون الزراعة رقم 53 لسنة 1966
ده معناه إنه القانون رقم 53 اللي صدر سنة 1966.
2. ليه أراجع قوانين قديمة؟ مش المفروض أركز على القوانين الجديدة؟
مش كل القوانين بتتغير أو تُلغى، لكن بعضها بيتعدل. القانون القديم بيفضل أساس، والتعديلات بتكون مجرد تغييرات عليه، مش قانون جديد بالكامل.
مثال عملي:
قانون الزراعة لسنة 1966 لسه ساري، لكن اتعمل عليه تعديلات زي قانون التصالح على مخالفات البناء على الأراضي الزراعية.
قانون البناء الموحد 119 لسنة 2008 مازال معمول بيه، لكنه اتعدل بالقانون رقم 1 لسنة 2020 بشأن التصالح في بعض مخالفات البناء.
إزاي أتعامل مع القوانين القديمة والجديدة؟
1. ابدأ بالقانون الأساسي (القديم) عشان تفهم المبادئ العامة.
2. شوف التعديلات الجديدة عشان تبقى عارف أي تغيير حصل.
3. تابع القرارات التنفيذية، لأن الحكومة بتصدر قرارات تشرح كيفية تطبيق القانون عمليًا.
بالتالي، لازم تذاكر القانون الأصلي وتتابع كل تعديل جديد عليه ، عشان تكون محامي فاهم الموضوع من جذوره.