اولا. كدة في حاجة اسمها شهادة تحركات دي بتطلع من الجوازات ناس كتير رجعت من المقابلة بسببها هي وبرينت التأمين دة بيطلع من اي مكتب تأمينات عادي تمام ؟؟
دي كانت نقطة مهمه جدا ✅
ثانيا. الناس بتدخل خمسات كدة كل مجموعة خمس افراد
ثالثا. اللجنه ٥ افراد برضو بتمسك ملفك كدة ويراجع بيبص فيه ويسأل أسئلة إما قانونية من واقع دراستك زي سؤال الانقضاء ال اتسأل انهاردة لأحد الأفراد كدة ،،، أو يسألك أسئلة في ملفك مثلا
⚠️ ⬅️⬅️ زي اي ؟؟
واحد م اللجنه يقولك قولي كدة اسم المحامي ال انت كنت بتدرب عنده ؟؟
واحد يقولك انت دخلت حقوق لي ؟؟
هتروح تقوله التنسيق ؟؟ مينفعش طبعا عيب اصلا تقولها ❌❌❌
واحد يقولك المادة دي مثلا كنت بتاخد وانت ف سنه كام ؟؟ طب الدكتور ال كان بيديك المادة كان مين ؟؟
طيب انت تخرجت من جامعة اي ؟؟
طب انت بتشتغل بقالك اد اي حتي لو كانت مهنه تانية غير المحاماة ؟؟؟
ممكن واحد م اللجنه يقولك انت اتدربت عند المحامي ي قلبي ؟ بتقولوا اه
هيقولك طب اتدربت عنده أي؟؟؟
ودة كان أفظع سؤال ⚠️⚠️ لان ناس كتير مكنتش بتدرب ولا نيلة ✅
واحد يقولك مثلا ايام دفعتك كان عميد الكلية وقتها كان مين ؟؟؟
واحد يقولك مثلا اكتر مادة أثناء دراستك كنت بتحبها كانت اي ؟؟
⏺⏺ كمان في حاجه مهمه اوي
انت المفروض كمحامي مينفعش تبقا واقف مهزوز مثلا او متوتر
اصل أقل حاجه بيقولهالك انت تقف تترافع قدام القاضي كدة !!!! ❌
⏺ المقابلات تبدأ من الساعة ٩
⏺ الزي طبعا رسمي
⏺ المقابلات سهله الحمد لله واللجنة بتسال اكتر من سؤال عادي مش بتوقف علي معرفتش تجاوبه
⚠️⚠️ النصائح :_
⏺ يفضل تعرف سريعا اسامي المواد ال كنت بتدريسها ف كل سنه من سنين دراستك ✅
⬅️⬅️⬅️ هات المواد دي من بيان النجاح يبقا فيه مواد كل فرقة ✅✅
⏺ سريعا كدة اعرف ايام دفعتك كان العميد مين ورئيس الجامعة كان مين وكل مادة كان دكتورها مين.
⏺ حط كدة ف دماغك مادة ولا مادتين معلوماتك عنهم حلوة عشان لو قالك اكتر مادة حبيتها تقوله عليها وكمان لو سألك فيها تعرف تجاوب ✅
⏺ اعرف اسم المحامي المصدق لك علي الملف بتاعك بأنك كنت بتدرب عنده ✅
⏺ اعرف المحامي دة مكتبه فين بالظبط ✅
⏺ اعرف المحامي كان محامي نقض ولا استئناف ✅
⏺ اعرف كلمتين تقولهم للجنه لما تسألك اتدربت اي عند المحامي دة ✅
يشترط فيمن يطلب قيد اسمه فى الجدول العام أن يكون:
١- متمتعا بالجنسية المصرية ومقيما بها إقامة دائمة وفقا للضوابط التى يقررها مجلس النقابة، ويجوز لوزير العدل وفقا للقواعد التى يضعها بالتنسيق مع مجلس نقابة المحامين الترخيص للمحامين الأجنبى بالعمل في دعوى أو موضوع معين بشرط المعاملة بالمثل.
وينشى مجلس النقابة جداول خاصة بالمحامين الأجانب والمحامين المشتغلين خارج جمهورية مصر العربية وبقواعد التعامل من حيث تدرج القيد ورسومه والاشتراكات السنوية والخدمات التى تقدم لهذه الجداول.
٢ – متمتعا بالأهلية المدنية الكاملة.
٣- أن يكون حاصلا على الثانوية العامة أو ما يعادلها من الشهادات الأجنبية المعتمدة في مصر، وإجازة الحقوق من إحدى كليات الحقوق أو شهادة من إحدى الجامعات الأجنبية أو فروعها في مصر والتى تعتبر معادلة لها طبقا لأحكام القوانين واللوائح المعمول بها في جمهورية مصر العربية.
٤ – ألا يكون قد سبق إدانته بحكم نهائى فى جنحة ماسة بالشرف أو الأمانة أو بعقوبة جناية، ما لم يكن قد رد إليه اعتباره.
٥ – أن يكون محمود السيرة، حسن السمعة، أهلا للاحترام الواجب للمهنة، وألا تكون قد صدرت ضده أحكام تأديبية أو انتهت علاقته بوظيفته أو مهنته أو انقطعت صلته بها لأسباب ماسة بصلاحيته للوظيفة التى كان يشغلها.
٦ – اجتياز الكشف الطبى بإحدى المستشفيات التى يقررها مجلس النقابة، للتأكد من صلاحيته لممارسة المهنة ويضع مجلس النقابة بالاتفاق مع وزير الصحة القواعد التنظيمية لذلك.
٧ – أن يسدد رسوم القيد والاشتراك السنوى.
٨ – ألا تقوم بشأنه حالة من حالات عدم جواز الجمع الواردة فى المادة التالية.
ويجب لاستمرار القيد فى الجداول توافر الشروط سالفة الذكر عدا البند رقم ٦ من هذه المادة، ويسقط القيد بقوة القانون من تاريخ افتقاد أى من هذه الشروط دون حاجة إلى صدور قرار بذلك من لجنة القيد، ويجب الإخطار بهذا الإجراء بكتاب موصى عليه، وإخطار النقابة الفرعية المختصة.
ويجب لاستمرار قيده في الجدول توافر الشروط سالفة الذكر.